Ибн Аббос ёмғирли кунда ўз муаззинига:
«Қачон, Ашҳаду анна Муҳаммадан Расулуллоҳ» десанг, Ҳаяя алас Сола» дема, «Соллу фии буютикум» – уйингизда намоз ўқинг», дегин», деди. Бас, одамлар буни инкор қилгандек бўлдилар. Шунда у киши:
«Бу ишни мендан яхши бўлган зот қилганлар. Жума қатъий фарздир. Мен сизларга лойда, ёмғирда юриб танглик бўлмасин, дедим», дедилар».
Бухорий, Муслим, Абу Довуд ривоят қилган.

Абу Малийҳ розияллоҳу анҳудан у киши ўз отаси розияллоҳу анҳудан ривоят қилинади:
«У киши Ҳудайбия вақтида Пайғамбаримиз соллаллоҳу алайҳи васалламни Жума куни, уларни ёмғир тутганда, ковушларининг ости ҳўл бўлмаганда, ўз жойларида намоз ўқишга амр қилганларини кўрган экан».
Абу Довуд ривоят қилган.