Абдулазиз ибн Журайж розияллоҳу анҳудан ривоят:
«Оишадан Расулуллоҳ соллаллоҳу алайҳи васаллам нима ила Витр ўқишларини сўрадик. У киши:
«Биринчи ракъатда, «Саббиҳисма Роббика»ни, иккинчи ракъатда, «Қул яяаююҳал кофируун»ни, учинчи ракъатда «Қул қуваллоҳу аҳад» ва «Муъаввазатайни»ни ўқир эдилар», деди».
Абу Довуд, Термизий, Насаий ривоят қилган

Насаий ва Абу Довуд:
«Салом берганларидан кейин, «Субҳанал маликил қуддус»ини уч марта айтар ва учинчисида овозларини кўтарар эдилар» деган жумлани зиёда қилганлар.

Оиша розияллоҳу анҳодан:
«Пайғамбар соллаллоҳу алайҳи васаллам Витрда қироатни ошкора қилар эдиларми ёки махфийми?» деб сўралди. У киши:
«Ўшани ҳаммасини ҳам қилар эдилар. Гоҳида махфий қилар, гоҳида ошкор қилар эдилар», деди».
Муслим ва Абу Довуд ривоят қилган.

Али розияллоҳу анҳудан ривоят қилинади:
«Пайғамбар соллаллоҳу алайҳи васаллам Витрлари нинг охирида, салом берганларидан кейин:
«Аллоҳумма иннии аъузу биризока мин сахатика ва бимуъофотика мин уқубатика ва аъузу бика минка. Лаа уҳсий санаан алайка анта камаа аснайта ала нафсика», дер эдилар».
Абу Довуд, Термизий, Насаий ривоят қилган