"Агар мол-дунёингиз кўп бўлса, шу мол-дунёнинг асари сизда кўриниб турсин" (Насаий. "Сунан", II жузъ, 298-бет).

Шарҳи: Расулуллоҳнинг (с.а.в.) олдиларига бир киши эски, исқирт кийимларда кирган эди, унинг бой ёки камбағаллигини суриштирдилар. Шунда киши ўзининг бой эканини билдирди. Ушбу ҳадисни Расулуллоҳ (с.а.в.) ўша одамга қарата сўзлаган эдилар.
Расулуллоҳ (с.а.в.) ушбу саҳобада Аллоҳ берган неъматнинг асари кўриниб туришини орзу қилганлар. Яхши, тоза, пок кийимлар кийиб юришга буюрганлар.
Аллоҳ берган неъматни изҳор қилиш учун қиммат кийимлар ки-йиб юриш шариатда манъ қилинган эмас. Ҳадис ҳукмига кўра, кибрланиш ва бошқалардан юқори туриш нияти бўлса, у ҳолда янги кийим кийиб юриш ҳам, эски, кир кийимда юриш ҳам қоралангандир. Бу ҳақда тил билан гапириб ўтиришда кўп маъно йўқ, балки эътибор ниятдадир. Ҳар кимга ўзининг нияти жуда яхши маълум. Ният ҳақида биринчи ҳадисда кенг тўхталиб ўтганмиз. Абу Довуд узун бир ҳадиснинг орасида:
"Кийимларингизни ислоҳ қилиб, яхшилаб кийинглар!" жумласини ривоят қилади.