"Аллоҳ азза ва жалла суядиган амал фақат Аллоҳ учун севиш ва Аллоҳ учун нафратланишдир" (Имоми Бухорий, "Саҳиҳ", 7 жузъ, 50-бет; Муслим. "Саҳиҳ", I жузъ, 239-бет. Иборалари Муслимники.)

Шарҳи: Бир кишининг муносабатини яхшилаш ҳамда ўзингизга хайрхоҳ қилиш учун дўст тутишингизда ҳеч зарар йўқ, лекин бу ишингиз Аллоҳ таолога хуш келадиган дўстлик қуриш эмас, балки шахсий манфаат учун дўст тутишдир.
Инсонлар учун фойдали бўлган олимларни ва яхши, солиҳ амалли кишиларни ҳамда мактаб ва мадрасаларга, умуман, илмга моддий ёки маънавий ёрдам берувчиларни дўст тутиш Аллоҳ таоло йўлида дўст тутиш жумласига киради. Шунингдек, яна хаоом ва гунох ишлардан сақланишига сабаб бўлгани учун эр ўзининг хотинини ёки хотин ўзининг эрини яхши кўриши ҳам Аллоҳ таоло йўлида яхши кў-риш жумласидан ҳисобланади.
Ўзи учун фойдаси ёки зарари бўлса ҳам-бўлмаса ҳам, Аллоҳ таолога итоати кам ва шариатга ҳурмати заиф, иқтидори нисбатида дин ва илмга хизмати ва ёрдами йўқ одамни ушбу ҳолатлари учун ёмон кўриш Аллоҳ таоло учун ёмон кўришдир.