عن أبى هريرة رضى اللهُ عنه عن النّبىِّ صلى اللهُ عليهِ وسلم قال: "منْ أخذ أموال النّاسِ يُريد أدائها أدّى اللهُ عنهُ، ومن أخذها يريدُ إتلافها أتلفهُ اللهُ".

Абу Ҳурайрадан (р.а.) ривоят қилинади. Расулуллоҳ (с.а.в.): “Ким одамлар молини олиб ўша олган молини яна қайтаришни ният қилса Аллоҳ қайтаришига муваффақ қилади. Энди кимки бировни молини олиб талофат етказишни хоҳласа Аллоҳ у кишига талофат етказади”, дедилар.
Шарҳ: Расулуллоҳ (с.а.в.) “Ким одамлар молидан муомала қилиб, қандай кўринишда бўлса ҳам олсада, уни қайтаришни ният қилса Аллоҳ ҳам уни яхши нияти учун фазли билан адо этишни осон қилади. Агар қарзни узишдан олдин ўлиб қолса Аллоҳ қарз берганни рози қилдириб қўяди. Кимда-ким одамлар молидан бирор нарсани олиб, қарзни қайтармасдан талофатни хоҳласа, Аллоҳ ҳам қўлидаги нарсани талофат қилиб, нияти ёмон бўлгани учун фойдалантирмайди. Қарз бўйнида қоладида, Қиёмат куни ўшанга яраша жазо беради.
Бошқа бир ҳадисда келтирилишича: Ким қарз олсада, уни тўлашни ният қилса, кейин тўдамасдан туриб ўлиб қолса, Аллоҳ ундан ўтиб юборади ва қарз берган одамни ҳам хоҳлаганича рози қилдириб қўяди. Ким қарз олса-да, ичида уни тўлаш нияти бўлмаса кейин тўламасдан ўлиб қолса, Аллоҳ Қиёмат куни қарз бериб турган кишига қасосини олиб беради. Бошқа ривоятда: Қарздорни яхшиликларидан олиб қарз бериб турган кишига олиб берилади. Агар яхшилиги бўлмаса қарз берган кишини ёмонлигидан олиб қарз олган кишига юкланади.