عن حكيم بن حزام رضى الله عنه قال: قال رسول الله صلى الله عليه وسلم: "البيّعان بالخيار ما لم يتفرّقا، أو قال: حتى يتفرقا – فإن صدقا وبيّنا بورك لهما فى بيعهما، و إن كتما وكذبا محقت بركة بيعهما".

Ҳаким ибн Ҳизом (р.а.)дан ривоят қилинади: Расулуллоҳ (с.а.в.): “Сотувчи ва олувчи, модомики айрилиб кетмасалар  ихтиёрлари ўзлари биландир. Агар улар рост гапириб, очиқ ойдин  баён қилсалар, икковларига ҳам савдоларида барака бўлади. Агар ёлғон гапирсалар ва беркитсалар, савдоларининг  баракаси ўчирилади,” дедилар.
Шарҳ: Иккита ажойиб шариат амалига Расулуллоҳ (с.а.в.) йўлламоқдалар. Биринчиси: икки томон келишиб олгунларича муҳлат бериш. Иккинчиси олди-сотдида барака бўлиши учун ростгўй бўлиб, алдамаслик. Агар икки томон айбларни беркитишса, байъдаги барака кетади. Бирор кишига айбини билиб туриб ўша нарсани сотиши ҳалол эмас. Мусулмон мусулмоннинг биродаридир. Айби бор нарсани беркитиб сотиш ҳалол эмас. Лекин айтса, жоиздир. Кимда-ким айбини айтмасдан яшириб сотса Аллоҳни ўч олишига сабаб бўлиб, фаришталар лаънатига учрайди.