عن حذيفة رضى الله عنه قال: قال رسول الله صلى الله عليه وسلم:" تلقت الملائكة روح رجل ممن كان قبلكم، قالوا: اعملت من الخير شيئا؟ قال: كنت آمر فتيانى أن ينظروا المعسر ويتجاوزوا عن الموسر فتجاوز الله عنه".

Хузайфа (р.а.)дан ривоят қилинади: Набий (с.а.в.): “Фаришталар сизлардан олдин ўтганлардан бирининг руҳини қабул қилиб: “Бирор яхшилик амал қилганмисан?” деб айтишган эди, у: “Одамларга қарз берар эдим, шогирд болаларга, қурби етганларга муҳлат беринглар, қийналиб қолганлардан қарзни кечиб юборинглар, шояд Аллоҳ ҳам биздан (гуноҳларимизни) ўтиб юборса”, деб айтар эдим, деганида, Аллоҳ ҳам унинг гуноҳларини кечириб юборади”, дедилар.
Шарҳ: Ривоят қилинишича, Аллоҳ таоло бадавлат бандаларидан баъзиларини олиб келиб: “Дунёдаги ҳаётлик пайтингда нима яхшилик қилдинг?” деса, бадавлат киши Аллоҳдан бирор нарсани яшира олмаган ҳолда: “Ҳеч қандай яхшилик қилмаганман фақат мен ҳақиқатда бадавлат бўлиб, одамлар билан олди-сотди қилар эдим. Шогирдларимга: “Қурби етганларга муҳлат беринглар, қийналиб қолганлардан қарзни кечиб юборинглар, шояд Аллоҳ ҳам биздан (гуноҳларимизни) ўтиб юборса”, деб айтар эдим, деганида Аллоҳ ҳам: “Мен сендан кўра ўтиб юборувчироқман. Бандамни гуноҳларини ўтиб юборинглар”, дейди.