عن ابى سعيد رضى الله عنه – وقد غزا مع النبى صلى الله عليه وسلم ثنتى عشرة غزوة – قال: اربع سمعتهن من رسول الله صلى الله عليه وسلم فأعجبننى وآنفننى: ألا تسافر امرأةٌ مسيرة يومين ليس معها زوجها أو ذو محرم، ولا صوم يومين: الفطر والأضحى: ولا صلاة بعد صلاتين: بعد العصر حتى تغرب الشمس، وبعد الصبح حتى تطلع الشمس، ولا تشد الرحالُ إلا إلى ثلاثة مساجد: مسجد الحرام، ومسجدى، ومسجد الأقصى.

Абу Саид (р.а.)дан ривоят қилинади. Бу зот Набий (с.а.в.) билан ўн иккита ғазотда қатнашган эдилар. Абу Саид: “Тўртта нарсани Расулуллоҳдан (с.а.в.) эшитдим ва ажабландим. Аёл киши ўзи билан бирга эри ёки бирор маҳрами бўлмаса икки кунлик йўлга сафар қилмасин, икки кун яъни фитр ва қурбонликда рўза йўқ, асрдан кейин қуёш ботгунча, бомдоддан кейин қуёш чиққунча намоз йўқ, учта масжиддан ташқари зиёрат учун атайлаб борилмайди. Масжидул Ҳаром ва менинг масжидим ва Масжидул Ақсо”.
Шарҳ: Тўрт ҳукм Абу Саид ал-Худрий (р.а.)ни ажаблантирди. Ҳар бир обрўси, дини ва ақидасини сақловчи мусулмонни ҳам ажаблантирмай иложи йўқ.
1. Абадий никоҳи ҳаром бўлган маҳрами ёки эрисиз аёл кишини сафарга чиқишини ҳаромлиги. Чунки аёл киши заиф бўлгани учун сафар машаққатларини кўтара олмайди. Ва яна ўзини душмандан мудофаъа қила олмайди.
2. Шод-ҳуррамлик рамзи бўлган икки ҳайит куни рўза тутиш.
3. Асрдан кейин то қуёш ботгунича ҳамда субҳидан кейин то қуёш чиққунича нафл намоз ўқиш ҳаромлиги. Чунки мана шу икки пайтда кофирлар қуёшга сажда қилади.
4. Макка шаҳридаги масжидул ҳаром, Мадина шаҳридаги набавий масжид, Байтулмақдисдаги масжидул ақсодан ташқари бошқа масжидда намоз ўқиш учун сафардан ман этилиши.