عن ابن عباس رضى الله عنهما أن امرأة من جهينة جاءت إلى النبى صلى الله عليه وسلم فقالت:" إن أمى نذرت أن تحج فلم تحج حتى ماتت، أفأحج عنها؟ قال: نعم حجى عنها أرأيت لو كان على أمك دين أكنت قاضية عنها؟ اقضو الله فالله أحق بالوفاء".

Ибн Аббос розияллоҳу анҳудан ривоят қилинади. Жуҳайна қабиласидан бир аёл пайғамбаримиз (с.а.в.)нинг ҳузурларига келиб: “Онам ҳаж қилишни назр қилган эди. Ҳаж қила олмасдан вафот этди. Унинг номидан ҳаж қилсам бўладими?” деб айтган эди, Пайғамбаримиз: “Ҳа, унинг номидан ҳаж қилгин. Сен менга айтчи, агар онангни қарзи бўлса, уни номидан тўлайсанми? Демак Аллоҳнинг ҳаққини ҳам адо қилгин. Аллоҳ вафо қилишга ҳақлироқдир”, дедилар.
Шарҳ: Жуҳайна қабиласидаги бир аёл онаси вафот этганидан кейин, уни номидан ҳаж амалини адо этиб, яхшилик қилишга қизиқиб қолиб, Расулуллоҳ (с.а.в.)дан “Онам Байтуллоҳни ҳаж қилишга назр қилган эди. Ҳали ҳаж қилмай туриб вафот этиб қолди. Мен уни номидан ҳаж қилсам ўрнига ўтадими? Ҳажимни савоби унга етадими?” деб сўраган эди, Расулуллоҳ (с.а.в.): “Ҳа уни номидан ҳаж қилавергин”, деб онасини қазо қилган ҳажини у бажариши тўғрилигига далил келтириб: “Айтгинчи, агар онангни бирор кишидан қарзи қолганида уни тўлармидинг? Дедилар. Шунда у аёл: “Ҳа”, деган эди, Расулуллоҳ (с.а.в.): “Аллоҳни ҳам ҳаққини тўлаб қўйгин, чунки Аллоҳ одамлардан кўра вафо қилинишига ҳақли Зотдир”, дедилар.