عن ابن عباس رضى الله عنهما قال: " كانوا يرون أن العمرة فى أشهر الحج من أفجر الفجور فى الأرض ويجعلون المحرم صفر ويقولون: إذا برأ الدبر، وعفا الأثر وأنسلخ صفر حلت العمرة لمن اعتمر. قدم النبى صلى الله عليه وسلم وأصحابه صبيحة رابعة ملهين بالحج فأمرهم أن جعلوها عمرة، فتعاظم ذلك عندهم، فقالوا: يارسول الله: أى الحل؟ قال: حلٌّ كله".
Ибн Аббос (р.а.)дан ривоят қилинади. Жоҳилият аҳллари хаж ойларидаги умрани ер юзидаги энг катта бузуқликлардан бири деб эътиқод қилишар эди. Улар Муҳаррамни сафар қилар эдилар. Ва қачонки, туянинг яраси битса, излар йўқолса, сафар ойи тугаса, умра қилувчига умра ҳалол бўлади, дер эдилар. Набий (с.а.в.) ва у зотнинг саҳобалари (зулҳижжа ойининг) тўртинчи куни эрталаб ҳажга эҳром боғлаб келдилар. У зот уларга умра қилишни буюрдилар. У (иш) уларга катта бўлиб кўринди ва: “Эй Аллоҳнинг расули! Ҳалолликнинг қайсиниси”, дейишди. Ҳалолликнинг барчаси, дедилар.” Шарҳ: Расулуллоҳ (с.а.в.) саҳобалари билан видовлашув ҳажи йили талбия айтган ҳолда ҳажга чиқишди. Маккага зулҳижжа ойининг тўртинчи куни етиб келишди. Жоҳилият аҳлининг эътиқодича ҳаж ойларида умра ибодатининг ўтказиш энг улкан гуноҳлардан ҳисобланар эди. Улар шунинг учун муҳаррамни сафар қилардилар. Яъни сафар ойини муҳаррам ойи ўрнига ҳаром ойлардан деб, эълон қилардилар. Қачон туянинг яраси битса, қумликдаги излар йўқолса, сафар ойи тугаса умра ҳалол бўлади, дейишар эди. Набий (с.а.в.) бу фосид ақидага сўз ва амаллари билан курашиб, саҳобаларини ҳажда ҳам умрага жой беришга буюрдилар. Умра амалларини бажариб, эҳромдан чиқиб сўнгра ҳажга эҳром боғлаб талбия айтиб амалга киришгандилар бу нарса саҳобаларга оғир ботди. Чунки уларни фикрларига ҳаж ойида умра амалини бажариш ҳаром, деган ақида сингиб кетган эди. Расулуллоҳ (с.а.в.) уларни қалбларига ҳурсандлик олиб кирган ҳолда: “Буюрилган нарсани бажаринглар. Агар туяларни ҳайдаб кетадиган бўлсам, сизларга буюрган нарсани бажараман”, дедилар. Саҳобалар ҳам умра амалини бажаришди. Сўнгра умраларидан кейин улар учун ҳалол бўладиган нарса ҳақида сўрашди. Расулуллоҳ (с.а.в.) “Ҳалолликларнинг барчаси”, дедилар.
|