عن ابن عمر رضى الله عنهما قال: "فرض رسول الله صلى الله عليه وسلم زكاة الفطر صاعا من تمر أو صاعا من شعير، على العبد والحر والذكر والأنثى والصغير والكبير، من المسلمين وأمر بها أن تؤدى قبل خروج الناس إلى الصلاة".

Ибн Умар (р.а.)дан ривоят қилинади. “Расулуллоҳ (с.а.в.) фитр закотини хурмодан бир соъ, арпадан бир соъ миқдорида мусулморларни қулига ҳам, ҳурига ҳам, эркакга ҳам, аёлга ҳам, кичикка ҳам, каттага ҳам фарз қилдилар. Уни одамлар намозга чиқишдан олдин адо этилишига амр қилдилар”.
Шарҳ: Абдуллоҳ ибн Умар Хаттоб (р.а.) айтишларича, Расулулоҳ (с.а.в.) рамазон рўзасида фитр закотини фарз қилдилар. Уни миқдорини буғдой ёки хурмо ёки арпа ёки шунга ўхшаш киши ўзини шаҳрида одат бўлган таомдан бир соъдан қилиб белгиладилар. Буни фарзлиги ҳар бир ҳур ёки қул ёки эркак ёки аёл ёки кичик ёки катта ёшли мусулмонлар зиммасигадир. Ушбу закотни одамлар ҳайит намозига чиқишдан олдин бериш яхшилигини ҳам уқтирдилар. Ушбу фитр садақаси рўза асносида воқеъ бўлган лағв ва фаҳшлардан покловчидир. У худди намоздаги камчиликни саждаи саҳв тўлдиргани каби, рўзадаги камчиликни ана шу фитр садақаси тўлдиради ва бу сабабли камбағаллар қўлига ҳам пул тушиб, тиланчиликдан беҳожат бўлишади. Ва яна бу нарса хурсандчиликда бою-камбағал шерик бўлиши, айни инсонийлик ҳисси ва жамият манфаати ҳамда Исломий иззатининг рамзий бир кўринишидир.