عن ابن عمر رضى الله عنهما أنه قيل له: إنّ أبا هريرة يقول:" من تبع جنازةً فله قيراط، فقال: أكثرَ أبا هريرة علينا: فصدّقت عائشة أبا هريرة وقالت: سمعت رسول الله صلى الله عليه وسلم يقوله فقال ابن عمر: – لقد فرّطنا فى قراريطَ كثيرةٍ"
Ибн Умар (р.а.)дан ривоят қилинади. Ибн Умарга Абу Ҳурайранинг, ким жанозага эргашса, унга қийрот-қийрот савоблар бор, деб айтганларини айтишди. Шунда Ибн Умар (р.а): Абу Ҳурайра бизга савобларни кўпайтириб юборибдику”, дедилар. Шунда Оиша (р.а) Абу Ҳурайрани сўзларини тасдиқлаб: “Расулуллоҳ (с.а.в.) шундай деганларини эшитганман”, дедилар. Ибн Умар (р.а.): “Унақада биз кўп қийрот савобларни йўқотибмиз”, дедилар. Шарҳ: Расулуллоҳ (с.а.в.) бу ҳадисни айтиш билан одамларни, ўлган мурдани кўмишга тайёрлаш, аҳли билан биргаликда маййитни кузатиш, жаноза намозини ўқиш, дафн этиш, бордию жаноза намозини ўқишда иштирок этмаса ҳам тобутини кўтаришда қатнашса ҳам кўплаб ажрларга эришишини уқтирмоқдалар. Ушбу ҳадисни Абу Ҳурайра айтгандилар. Ибн Умар (р.а.) бундан хабар топдилар лекин аввал бу ҳақда эшитмагандилар. Абу Ҳурайра (р.а.) айтган ушбу ҳадисда шубҳа қилдиларда, уни аниқлаш мақсадида Оиша (р.а.)га одам юбордилар. Оиша (р.а.) ҳам Абу Ҳурайра (р.а.) айтган ҳадисни тасдиқлаб, ҳақиқатда Расулуллоҳ (с.а.в.)дан содир бўлганини, айнан ўзлари қулоқлари билан эшитганларини таъкидладилар. Юборган одамлари Ибн Умар (р.а.) олдиларига қайтиб Оиша (р.а.) айтган сўзларни хабарини берди. Шунда Ибн Умарни қалблари таскин топиб: “Бизлар кўплаб савобларни ўтказиб юборибмиз”, деб ўзларини камчиликларини эътироф қилдилар. Чунки бу зот жаноза намозини ўқиб, тобутни кўтариб бориб, дафн қилишда иштирок этмасдилар. Абу Ҳурайра (р.а.) айтган хабар етиб келгач, уни саҳиҳлигини таъкидлаб олганларидан кейин ўтказиб юборган ажрларга афсусландилар. Мана шу ҳадисни эшитганларидан кейин Расулуллоҳ (с.а.в.)нинг суннатларига эргашган ҳолда жаноза намозини ўқиш билан биргаликда тобутни кўтариш ва дафн қилиш маросимларида ҳам иштирок этадиган бўлдилар.
|