عن أبِى هريرة رضى الله عنه أن النبى صلى الله عليه وسلم قال: "صلاةٌ فِى مسجدى هذا خيرٌ من ألف صلاة فيما سواهُ إلا المسجدَ الحرامَ"

Абу Ҳурайра (р.а.)дан ривоят қилинади. Набий (с.а.в.): “Менинг ушбу масжидимдаги намоз ундан бошқа масжиддаги мингта намоздан хайрлидир. Фақат Масжидул Ҳаром бундан истисно”, дедилар.
Шарҳ: Аллоҳ таоло набийси Муҳаммад алайҳиссаломни ҳурматлари учун ҳижрат қилган шаҳарлари Мадинани, ер юзидаги муқаддас масжидни ушбу заминда бунёд эттириш билан файзли қилди. Ва ўша ерда намоз ўқиган кишини савобини тўла-тўкис бўлишини ваъда қилди. Қайси бир мусулмон фарз ёки нафл намозни Расулуллоҳнинг (с.а.в.) масжидларида адо этса, унинг учун қўша-қўша намоз савобини битиб, бошқа масжидда ўқиган намозидан минг баробар зиёда қилди. Аммо битта масжидул ҳаромгина бундан истисно бўлиб, уни якка ўзи Мадинадаги масжиддан афзал бўлиб, у ердаги намознинг ажри ердаги биринчи қурилганлиги, у ер Аллоҳнинг уйилиги ҳамда дунё ва охиратдаги омонлик ери бўлгани юзасидан афзал бўлишини эълон қилди.