505) Ибн Умар (р.а.) дан : Расулуллоҳ саллаллоҳу алайҳи вассалом фитр закоти мусулмонларданқулу озод, эркагу аёл, каттаю кичиклар учун бир соъ хурмо ва ёки бир соъ арпа қилиб белгиланди. Ва уни одамлар ҳайит намозига чиққунча берилиш амр қилинди. Муттафақ.

Ибн Адий ва Дорқутний заиф иснод билан келтиришган ҳадисда: «Бу кунда (яъни, Қурбон ҳайити кунида) уларни тиланчилик қилиб кўчаларни кезишданозод қилинг».

506) Абу Саъид Худрий (р.а.) дан: Пайғамбаримиз салаллоҳу алайҳи вассаломнинг замонларида фитр садақасини бир соъ қуритилган хурмоёки бир соъ арпа ёхуд бир соъ магиз қилиб берардик. Муттафақ.

Яна бир ривоятда: «...ва 1 соъ ни сузма (ёки пишлоқ) шаклида ..».

«Менга келсак, ўзим хали ҳам фитр садақасини ўша илгариги-Расулуллоҳ саллаллоҳу алайҳи вассалом замонларида берганимдек шаклда бериб келмоқдаман»-дедилар Абу Саъид.

507) Ибн Аббос (р.а.) дан: Расулуллоҳ саллаллоҳу алайҳи вассалом Фитр закотини рўзадорнинг беҳуда ва ёмон гапларидан покланиши, мискинларнинг таомланиши учун буюрдилар. Ва: «Кимки уни (ҳайит) намоздан илгари адо қилса (фитр) закоти мақбул бўлибдир. Вакимки ундан сўнг адо қилса, у оддий садақалар қаторидаги бир садақа бўлибдир».-дедилар. АД ва Ибн Можа ривоятлари. Ал-Ҳоким саҳиҳ деган.