187) Абу Ҳурайра (р.а.) дан: Расулуллоҳ саллаллоҳу алайҳи вассалом қўлни белга қўйган ҳолда намоз ўқишдан қайтарганллар. Муттафақ. Ҳадис лафзи Муслимники.

Бухорийнинг Оиша (р.а.) дан қилган ривоятида: «..Бу яҳудийларнинг ибодатларидаги одатлари бўлган» дейилган.

188) Анас (р.а.) дан: Расулуллоҳ саллаллоҳу алайҳи вассалом: «Агар (жамоат) хуфтон намозини ўқисалар, (қазо бўлган) шом намозингиздан олдин хуфтонни ўқиб олинг (яъни, жамоат билан)». –дедилар. Бухорий.

189) Абу Зарр (р.а.) дан : Расулуллоҳ сав : «Биронтангиз намозга қоим бўлсангиз, майда тошларни силаб ўйнамасин, чунки, унга (Аллоҳнинг) раҳмати юзланган бўлур». Бешлик саҳиҳ иснод билан ривоят қилган.

190) Оиша (р.а.) дан: Мен Расулуллоҳ саллаллоҳу алайҳи вассаломдан намоз вақтида у ёқ -бу ёққа аланглаш ҳақида сўрадим. Улар: «Бу шайтоннинг банда намозидаги ажрини юлқаб қочишидир».-дедилар сав. Бухорий.

191) Анас (р.а.) дан Расулуллоҳ саллаллоҳу алайҳи вассалом: «Агар сизлардан биронтангиз намоз ўқиётган бўлса, у раббисига муножот қилаётган бўлур. Зинҳор, олди ва ўнг томонига тупурмасин, балки чап  оёғи остига .. (тупурсин)». Муттафақ. Бошқа ривоятда ҳадис: «Чап томонига ёки оёқ остига» тарзда келтирилган.

192) яна мазкур саҳобийдан : Оиша ра га тегишли гулли парда бўларди. У билан уйларининг бир чеккасини тўсиб қўйган эдилар. Уларга Расулуллоҳ саллаллоҳу алайҳи вассалом: «Бизнинг олдимиздан ушбу нарсангизни олиб ташланг, чунки, расмлари кўз олдимизда тур(иб намозимиздан чалғит)моқда»-дедилар. Бухорий ривояти.

193) Жобир ибн Самура (р.а.) дан: Расулуллоҳ саллаллоҳу алайҳи вассалом:  «Намозда кўзларини осмонга кўтарувчилар бу ишларини бас қилсалар бас қилгайлар, акс ҳолда уларнинг кўзлари кўр қилиб қўйилур». Муслим.

Муслимнинг Оиша (р.а.) дан қилган яна бир ривоятида: «Унга таом келтирилган одам ва икки нажосат (пешоб ва ахлат)ни мажбуран тўсиб турган киши учун намоз бўлмас».

194) Абу Ҳурайра (р.а.) дан: Расулуллоҳ саллаллоҳу алайҳи вассалом: «Эснаш шайтондандир. Агар биронтангизга эсноқ келса, қодир бўлганича уни қайтаришга уринсин»-дедилар. Муслим ва Термизий ривоятлари. Термизийда: тарзида келтирилган. «..намозда эсноқ келса»