«Аллоҳнинг барча ошкора ва яширин бўлган ўтмиш ва ҳозирдаги неъматларига ҳамду-шукроналар бўлсин, Унинг Пайғамбари ва Расулига ва аҳлига ва Диннинг нусрат (ғалабас)и йўлида бўлган саҳобаларига ва уларнинг илмларини мерос қилиб олган тобеинларга дуруду салавотлар бўлсин. Албатта, «уламолар пайғамбарларнинг меросхўрларидир» (ҳадис). Уларга –ворису меросхўрларга Ўзинг иззат-икром кўрсатгил!»
Аммо баъд, ушбу мухтасар (қисқартма) китоб шаръий аҳкомларнинг ҳадисли далиллари асосларини ўз ичига олган. Мен уни мукаммал тарзда таҳрир қилдим. Мақсадим бу китобни ёд олган киши ўз дўстлари даврасида истеъдоди билан ажралиб турсин ва ундан (ҳадис илмига) янги кирган толиби илм тўлиқ мадад олсин ва ушбу китобга ҳеч бир ўқувчи бефарқ бўлмасин.
Ҳар бир ҳадис охирида имомлар (еттита машҳур ҳадис пешволари) дан қайсилари ривоят қилганларини умматнинг фоидасини ўйлаб баён этмишдирман. Китобдаги «Еттилик ривояти»дан мурод:
1. Имом Аҳмад
2. Имом Бухорий
3. Имом Муслим
4. Абу Довуд
5. Имом Термизий
6. Имом Насоий
7. Ибн Можа
ларнинг келтирган ривоятлари
«Олтилик ривояти» дан мурод: Имом Аҳмаддан бошқа юқорида келтирилган имомларнинг ривояти.
«Бешлик ривояти»: юқоридаги еттилик рўхатидаги Бухорий ва Муслимдан бошқа барча имомларнинг ривоятини назарда тутади.
«Тўртлик ривояти» : келтирилган ҳадиснинг мазкур рўхатнинг бошидаги учта (имом)дан қолган барчасининг ривояти эканини
«Учлик» деганда: мазкур еттилик бошидаги учтадан ва охиргисидан бошқа қолган имомлар деганимдир.
«Муттафақ алайҳ» деган иборадан мурод: Бухорий ва Муслим ривоятларидир.
Ушбу иккиларидан бўлак (муҳаддис)ларни эслаб ўтмаслигим ҳам мумкин. Юқоридаги (истилоҳ)лардан бошқалари ўзи тайин яққол маънога эгадирлар.
Китобни «Шаръий аҳкомлар ишоралари билан «Маромга етишиш» деб атадим.
Аллоҳдан биз билган илмимизни ўзимизга қарши қилмаслигини ҳамда Унинг Ўзи субҳонаҳу ва таолонинг рози бўладиган ишларга чорлашини сўрайман.
Омин.
|