Аллоҳ таоло Ваз-Зуҳа сурасининг 9-10-оятида: «Бас, энди сиз ҳам етимга қаҳр қилманг. Сўровчи гадони эса (бирон нарса бермасдан) ҳайдаманг!» деб айтган. Ва яна Аллоҳ таоло: «Эртаю кеч Парвардигорининг юзини истаб, Унга илтижо қиладиган зотларни (ҳузурингиздан) ҳайдаманг! Сизнинг зиммангизда уларнинг ҳисоб-китобларидан ҳеч нарса йўқдир ва сизнинг ҳисоб-КИТОБИ
нгиздан уларнинг зиммаларида ҳеч нарса йўқдир. Бас, уларни ҳайдаб золимлардан бўлиб қолманг», деб айтган (Анъом сураси, 52-оят). Ва яна: «Сиз ўзингизни эртаю кеч Парвардигорларининг юзини - розилигини истаб, Унга илтижо қиладиган зотлар билан бирга тутинг!» деб айтган (Каҳф сураси, 28-оят). Ва яна: «Мўминлар учун қанотингизни паст тутинг», деб айтган (Ҳижр сураси, 88-оят).
933/1. Оиз ибн Амрдан (р.а.) ривоят қилинади. Бир куни Абу Суфён (исломга кирмасидан олдин) Салмон, Суҳайб, Билол ва бир неча бошқа саҳобалар ҳузурларига келганида, Улар «Аллоҳнинг қиличи Аллоҳнинг душманининг гарданидан олмади-да», дейишди. Абу Бакр (р.а.): «Бу сўзни Қурайшнинг шайхи ва саййиди (Абу Суфён)га нисбатан ишлатасизларми?» деб ва Расулуллоҳ соллаллоҳу алайҳи васаллам ҳузурларига бориб, бунинг хабарини берганларида, Расулуллоҳ соллаллоҳу алайҳи васаллам: «Эй Абу Бакр, уларни ғазаблантирган бўлишинг мумкин. Агар шундай бўлса, Раббингни ғазаблантиргансан», дедилар. Абу Бакр (р.а.) уларнинг ҳузурларига бориб, «Эй биродарлар, сизларни ғазаблантирдимми?» деганларида, саҳобалар: «Йўқ», дейишди. Имом Муслим ривоятлари.
|