Бунга юқори бобда келган «Дин хайрихоҳликдир» ҳадиси далилдир. Бу ҳам хайрихоҳликдандир.
820/1. Шурайҳ ибн Ҳонеъдан (р.а.) ривоят қилинади: «Оишанинг (р.а.) олдиларига бориб, икки маҳсига масҳ тортиш ҳақида сўрадим. Оиша (р.а.) эса: «Али ибн Абу Толиб ҳузурларига бориб, ўша кишидан сўрагин, чунки у киши Расулуллоҳ соллаллоҳу алайҳи васаллам билан бирга сафарга чиқардилар», деб айтдилар. Кейин биз Алидан (р.а.) бу ҳақда сўрадик...», деб ҳадиснинг қолганини зикр қилдилар. Имом Муслим ривоятлари.
821/2. Саъд ибн Ҳишом ибн Омир ҳақларида келган ҳадисда келтирилишича, бу зот Расулуллоҳ соллаллоҳу алайҳи васалламнинг витр намозлари ҳақида сўрашни хоҳлаб, Ибн Аббоснинг (р.а.) ҳузурига келиб витр ҳақида сўраганларида, Ибн Аббос (р.а.): «Ер аҳли орасида Расулуллоҳ соллаллоҳу алайҳи васаллам витрларини билувчи кишига сени далолат қилайми?» дедилар. Саъд: «У ким?» деб сўраганларида, Ибн Аббос (р.а.): «У Оишадир, сен витрни ўша зотдан сўрагин», дедилар, деб ҳадиснинг қолганини зикр қилдилар. Имом Муслим ривоятлари.
822/3. Имрон ибн Ҳиттондан (р.а.) ривоят қилинади: «Оиша (р.а.) ҳузурларига бориб, ипак ҳақида сўрадим. «Ибн Аббос (р.а.) ҳузурларига бориб, ўша зотдан сўрагин», дедилар. У зотдан сўрасам, «Ибн Умардан (р.а.) сўрагин», дедилар. Ибн Умардан (р.а.) сўрасам, «Менга Абу Ҳафс (Отам Умар ибн Хаттоб) хабар берганки, Расулуллоҳ соллаллоҳу алайҳи васаллам: «Албатта ипакни дунёда охиратдан насибаси йўқлар кияди», деганлар». Имом Бухорий ривоятлари.
|