802/1. Расулуллоҳ соллаллоҳу алайҳи васаллам вафот этган кунлари Абу Бакр Сиддиқнинг (р.а.) хутбалари ҳақидаги машҳур ҳадисда ривоят қилинишича, у зот: «Кимки Муҳаммад соллаллоҳу алайҳи васалламга ибодат қилаётган бўлса, албатта Муҳаммад соллаллоҳу алайҳи васаллам вафот этдилар. Кимки Аллоҳга ибодат қилаётган бўлса, албатта Аллоҳ тирикдир, У ўлмайди», деб айтдилар.

803/2. Жарир ибн Абдуллоҳ (р.а.) ривоят қилдилар. Басра ва Кўфа амири Муғийра ибн Шўъба вафот этганларида, Жарир ўринларидан туриб, Аллоҳга ҳамду сано айтдилар ва «Шериги йўқ якка Аллоҳдан қўрқинг ҳамда амир келгунча хотиржамлик ва босиқликни лозим тутинг. Албатта сизларга ҳозир амир келади», дедилар. Имом Бухорий ва Муслим ривоятлари.