782/2. Жобирдан (р.а.) ривоят қилинади: «Расулуллоҳ соллаллоҳу алайҳи васаллам менга: «Эй Жобир, уйландингми?» деганларида, мен: «Ҳа», дедим. «Қиз болами ёки жувон?» деганларида, мен: «Жувон, эй Расулуллоҳ», дедим. Шунда у зот: «Қиз болага уйланмайсанми? У сен билан ва сен у билан ўйнашар эдинг ёки у сен билан ва сен у билан кулишар эдинг», дедилар. Сўнгра мен: «Абдуллоҳ, яъни отам вафот этганларида, тўққизта (ёки еттита - ровий шак қилдилар) қиз қолди. Мен у қизлар тенгги қизга уйланишни кариҳ кўрдим. Ва уларга қараб, парвариш этиши учун жувонга уйланишни яхши кўрдим», десам, у зот: «Тўғри қилибсан», дедилар». Имом Муслим ривоятлари.
|