774/1. Миқдом ибн Маъдий Карибадан (р.а.) ривоят қилинади. Расулуллоҳ соллаллоҳу алайҳи васаллам: «Агар киши биродарини яхши кўрса, уни яхши кўрганини билдириб қўйсин», дедилар. Абу Довуд, Термизий ривоятлари.
775/2. Анасдан (р.а.) ривоят қилинади. Бир киши Расулуллоҳ соллаллоҳу алайҳи васаллам ҳузурларида эди. Бошқа бир киши ўтиб қолди. У: «Эй Расулуллоҳ, мен уни яхши кўраман», деди. Расулуллоҳ соллаллоҳу алайҳи васаллам: «Унга яхши кўришингни билдирдингми?» деганларида, «Йўқ», деди. Расулуллоҳ соллаллоҳу алайҳи васаллам: «Буни билдиргин», дедилар. У киши бориб, «Мен сени Аллоҳ йўлида яхши кўраман», деди. Шунда ҳалиги киши: «Аллоҳ (йўлида) мени севганинг учун Аллоҳ ҳам сени яхши кўрсин», деди. Абу Довуд ривоятлари.
776/3. Муоз ибн Жабалдан (р.а.) ривоят қилинади. Расулуллоҳ соллаллоҳу алайҳи васаллам у кишининг қўлларидан ушлаб, «Эй Муоз, Аллоҳга қасамки, сени яхши кўраман. Мен сенга ҳар намоз кетидан
«Аллоҳумма аъинний ъала зикрика ва шукрика ва ҳусни ъибадатика», деб айтиб уни тарк қилмаслигингни васият қиламан», дедилар. Абу Довуд ва Насаийлар ривоятлари.
777/4. Язид ибн Нуъома Заббийдан (р.а.) ривоят қилинади. Расулуллоҳ соллаллоҳу алайҳи васаллам: «Агар киши бошқа бир киши билан дўстлашса, унинг исмини, отасининг исмини ва қайси насабдан эканини сўрасин. Чунки шунда дўстлик бардавомроқ бўлади», дедилар. Термизий ривоят қилиб, бу ҳадисни ғариб, деганлар.
|