762/1. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: «Бирор қавм мажлисдан туриб Аллоҳни зикр қилмаса, худди эшакнинг ўлаксаси каби туриб, ҳасратда қолади», дедилар. Абу Довуд ривоятлари.
763/2. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: «Кимки бир ўринда ўтирса-ю, Аллоҳни зикр қилмаса, Аллоҳ томонидан унга ноқислик бўлади. Кимки бир ўринга ёнбошласа-ю, Аллоҳни зикр қилмаса, Аллоҳ томонидан унга ҳам ноқислик етади», дедилар. Абу Довуд ривоятлари.
764/3. Абу Ҳурайрадан ривоят қилинади. Расулуллоҳ соллаллоҳу алайҳи васаллам: «Бирор қавм бир мажлисда ўтириб, Аллоҳни зикр қилмаса, Расулуллоҳ соллаллоҳу алайҳи васалламга салавот айтмаса, унга ҳам ноқислик етади. Агар Аллоҳ хоҳласа, азоблайди ва агар хоҳласа, кечиради», дедилар. Термизий ривоятлари.
|