Билингки, буларнинг ҳар бирида таъқиқ йўқ. Умматнинг салафларидан ташкил топган саҳоба, тобеъин ва улардан кейингилар Абу Фулона, деб қиз боланинг исми билан ҳам куняланишган. Улардан Усмон ибн Аффонда учта куня: Абу Амр, Абу Абдуллоҳ ва Абу Лайлолар бор эди. Ва яна шундай кунялардан Абу Дардодир. Бу саҳобанинг Хайра исмли катта хотинлари ҳам Умму Дардо, Ҳужайма исмли кичик хотинлари ҳам Умму Дардо эдилар. Бу кичик хоним етук ақлли, фозила, фақиҳ, қадри улуғ тобеъинлардан эди. Ва яна Абдураҳмон ибн Абу Лайло, оталари Абу Лайло, буларнинг хотинлари Умму Лайло бўлиб, бу иккови саҳобалардан эди. Ва яна Абу Умома, Абу Райҳона, Абу Рамса, Абу Рийма, Абу Амра Бушайр ибн Амр, Абу Фотима ал-Лайсий, Абу Марям Аздий, Абу Руқаййа Тамим Дорий, Абу Карима Миқдом ибн Маъдий Карибаларнинг ҳаммалари саҳоба бўлишган.
Тобеъинлардан Абу Оиша Масруқ ибн Аждаъ ва шунга ўхшаш сон-саноғи йўқ кишилар бўлган.
Самъоний «Ал-Ансоб» китобида Масруқнинг бундай (Масруқ, яъни ўғирланган) деб исмланишига сабаб у зотни ёшлик пайтларида бир одам ўғирлаб кетган. Сўнгра топилганлар, деб айтганлар.
Саҳиҳ ҳадисларда келишича, Расулуллоҳ соллаллоҳу алайҳи васаллам Абдураҳмон ибн Сахрни Абу Ҳурайра, деб кунялаганлар.
|