729/1. Самура ибн Жундубдан (р.а.) ривоят қилинади. Расулуллоҳ соллаллоҳу алайҳи васаллам: «Болаларингизни Ясор (осонлик), Рабоҳ (фойда), Нажоҳ (нажот топувчи), Афлаҳ (муваффақият қозонувчи) деб исмламанглар, ундай деб атайсиз-у, «У (уйда) борми?» дейсиз. Агар у бўлмаса, «Йўқ», дейилади. Мана шулар тўрттадир. Менга бундан зиёда қилманглар», дедилар. Имом Муслим ривоятлари.
730/2. Абу Довуд Жобирдан (р.а.) қилган ривоятларида Барака деб номлашдан ҳам қайтарганлар.
731/3. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: «Аллоҳнинг ҳузуридаги энг таҳқирланган исм Маликул амлок (Мулклар подшоҳи) деган исмдир», дедилар. Имом Бухорий ривоятлари.
Имом Муслимнинг ривоятларида: «Қиёмат куни Аллоҳнинг ҳузурида энг ғазабга дучор бўлувчи киши Маликул амлок деб исмланган кишидир. Аллоҳдан бошқа подшоҳ йўқдир», дейилган.
Суфён ибн Уйайнадан (р.а.) қилинган ривоятда «Маликул амлок - «шаҳаншоҳ» деган сўзнинг ўзидир», деб келтирилган.
|