«Барокаллоҳу лака» ёки

 «Барокаллоҳу алайка ва жамаъа байнакума фий хойрин» (маъноси: «Аллоҳ сенга барака берсин» ёки «Ораларингизни яхшиликда жамласин»), деб айтиш суннат амалдир.

Икки жуфтнинг ҳар бирига

 «Барокаллоҳу ликулли ваҳидим минкума фий соҳибиҳи ва жамаъа байнакума фий хойрин» (маъноси: «Аллоҳ жуфтингни баракали қилиб, ораларингизда яхшиликни жамласин»), деб айтмоқ мустаҳаб амалдир.

705/1. Анасдан (р.а.) ривоят қилинади. Расулуллоҳ соллаллоҳу алайҳи васалламга Абдураҳмон ибн Авф (р.а.) уйланганлари хабарини беришган пайтда Расулуллоҳ соллаллоҳу алайҳи васаллам:

 «Барокаллоҳу лака» (маъноси: «Аллоҳ сенга барака берсин»), деб айтдилар. Имом Бухорий ва Муслим ривоятлари.

706/2. Саҳиҳ ривоятда келтирилишича, Расулуллоҳ соллаллоҳу алайҳи васалламга Жобир (р.а.) уйланганликлари хабарини беришганида, Расулуллоҳ соллаллоҳу алайҳи васаллам

 «Барокаллоҳу алайка» (маъноси: «Аллоҳ сенда барака қилсин»), деб айтдилар.

707/3. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам агар бирор киши уйланса,

 «Барокаллоҳу лака ва борака ъалайка ва жамаъа байнакума фий хойрин», деб айтардилар. (Маъноси: «Аллоҳ сенга барака бериб, сенда барака қилсин. Ва ораларингизни яхшиликда жамласин».) Абу Довуд, Термизий ва Ибн Можалар ривояти.