Совчи бўлиб келувчи киши Аллоҳга ҳамду сано, Расулуллоҳга салавот айтиб, сўнгра

 «Ашҳаду анла илаҳа иллаллоҳу ваҳдаҳу ла шарийка лаҳу ва ашҳаду анна Муҳаммадан ъабдуҳу ва росулуҳу», деб сизларнинг қизингизга рағбат қилган ҳолда ёки фалончи қизи фалончини сўраб келдик, деб айтади.

701/1. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: «Ҳар бир калом, (баъзи ривоятларда) ҳар бир иш Аллоҳга ҳамд айтиш ила бошланмаса, бас, у кесикдир», (яъни, баракаси оздир)» дедилар. Абу Довуд, Ибн Можа ва бошқалар ривояти.

702/2. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: «Ҳар бир хутбада ташаҳҳуд бўлмаса, кесик қўлга ўхшайди», дедилар. Абу Довуд ва Термизийлар ривояти.