Сизни чақирган кишига «Лаббайка ва саъдайка» ёки «Лаббайка», деб айтишингиз маҳбуб амалдир. Сизнинг ҳузурингизга келган кишига «Марҳабо», яъни «Хуш келибсиз», деб айтиш маҳбуб амал. Сизга яхшилик қилганга ёки чиройли ишни кўрсангиз, «Ҳафизакаллоҳ ва жазокаллоҳу хайрон» (маъноси: «Аллоҳ сизни сақлаб, кўп яхшиликлар ила мукофотласин») каби сўзларни айтиш ҳам маҳбуб амаллардандир. Бунга ҳам саҳиҳ ҳадисларда далиллар бордир.
Илмли ва салоҳияти улуғ кишига «Аллоҳ мени сизга фидо қилсин» ёки «Ота-онам сизга фидо бўлсин» каби сўзларни айтишнинг зарари йўқ. Бунга саҳиҳ ҳадислардан далиллар кўпдир.
Агар аёл номаҳрам кишига олди-сотди ёки бундан бошқа нарсаларда гапиришга мажбур бўлиб қолса, у овозини дағал қилиб сўзлаши лозим бўлади. Аёлга эркаклар хоҳиш-истак билдиришидан қўрққан ҳолда овозини асло майин қилмайди.
|