611/1. Амр ибн Шуъайб оталаридан, оталари боболаридан ривоят қиладилар. Расулуллоҳ соллаллоҳу алайҳи васаллам: «Ўзини бошқаларга ўхшатган киши биздан эмас. Ўзингизни яҳудий ва насороларга ўхшатмангиз. Чунки яҳудийлар саломи - бармоқ билан ишора қилиш. Насоролар саломи эса - кафт билан ишора қилиш», дедилар. Имом Термизий заиф иснод ила ривоят қилганлар.

612/2. Аммо Термизий китобларида Асмо бинти Язиддан қилинган ривоятда «Расулуллоҳ соллаллоҳу алайҳи васаллам кунларнинг бирида масжид олдидан ўтдилар. Бир қанча аёллар ўтиришган эди. У зот қўллари билан ишора қилиб, салом бердилар».

Бу ҳадисда Расулуллоҳ соллаллоҳу алайҳи васаллам лафз ила ишорани жамладилар. (Агар жамласа жоиз, деганидир).