565/1. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам ҳеч вақт таомни айбламадилар. Агар иштаҳалари бўлса, ундан едилар. Агар кўнгиллари тусамаса, уни тарк қилдилар. Имом Бухорий ва Муслим ривоятлари. Муслим ривоятларида: «Агар иштаҳалари тусамаса, сукут қилдилар», дейилган.
566/2. Ҳулб (р.а.) ривоят қилиб айтадилар: «Расулуллоҳ соллаллоҳу алайҳи васалламдан бир киши: «Баъзи таомлар борки, улардан ўзимни ноқулай ҳис қиламан», деб айтганида, у зот: «Қалбингда бирор нарсани изтироб қилма, унда насронийларга ўхшаб қоласан», деб айтганларини эшитдим». Абу Довуд, Термизий, Ибн Можалар ривоятлари.
|