Фасл. Ташриқ кунлари Минода айтилиши мустаҳаб бўлган зикрлар.

490/3. Нубайшатулхойр Ҳузалийдан (р.а.) ривоят қилинади. Расулуллоҳ соллаллоҳу алайҳи васаллам: «Ташриқ кунлари ейиш, ичиш ва Аллоҳни зикр қилиш кунларидир», дедилар. Имом Муслим ривоятлари

Бу кунда зикр кўпайтирилади. Зикрларнинг энг яхшиси эса, Қуръон тиловат қилишдир. Биринчи ва иккинчи «жамралар»да тош отаётганда, Каъбага юзланиб, ҳамд, такбир, таҳлил, тасбиҳ айтиб, хузуъ ва хушуъ ила дуо қилинади ва Бақара сурасини ўқиш миқдорича турилади. Аммо учинчи «жамра»да, яъни «жамратул ъақоба»да бундай қилинмайди.

Фасл. Минодан тарқалганда, ҳаж ниҳоясига етади. Ҳажга тааллуқли зикрлар қолмайди. Лекин ҳожилар мусофир бўлгани сабабли такбир, таҳлил, ҳамд ва бошқа мусофирга мустаҳаб зикрлар билан машғул бўлади. Худо хоҳласа, бу тўғрида келгуси бобларда тўхталамиз.

Маккага келиб, умра қилишни хоҳлаган киши, ҳаж билан умра орасида муштарак бўлган амаллардаги зикрларни айтади. У муштарак амаллар эҳром, тавоф, саъй, қурбонлик, соч олдиришдир