Фасл. Арафотдан Муздалифага кетаётганда, талбия айтиб, Қуръон тиловати ва дуоларни кўпайтириб, «Ла илаҳа иллаллоҳу валлоҳу акбар»ни такрорлаб боради. Қуйидаги дуони ҳам ўқийди:
«Илайка Аллоҳумма арғабу ва иййака аржу, фатақоббал нусукий ва ваффиқний варзуқний фийҳи минал хойри аксаро ма атлубу ва ла туҳаййибний иннака анталлоҳул жавадул карийм». (Маъноси: Эй Аллоҳим, Сенга рағбат этаман, Сендан умид қиламан, ҳажимни қабул айла, уни мувофиқ қил. Мени талаб қилганимдан ҳам кўпроқ яхшиликлар ила ризқлантир. Ноумид қилма, албатта, Сен сахий ва қўли очиқ Аллоҳсан.)
Мана шу кеча ҳайит кечасидир. Ҳайит кунидаги зикрлар ва кечани қоим бўлиб ўтказиш фазли ҳақида юқорида айтилди. Бу кеча билан бирга, у макон ҳам шарафлидир.
|