Фасл. Маккадан Минога чиқиб кетаётганда, қуйидаги дуони ўқиш мустаҳабдир:

«Аллоҳумма иййака аржу ва лака адъу, фабаллиғний солиҳа ъамалий вағфирлий зунубий, вамнун ъалаййа бима мананта биҳи ъала аҳли тоъатика иннака ъала кулли шай`ин қодийр». (Маъноси: Эй Аллоҳ, Сендан умид этаман, Сенга дуо қиламан, орзуларимнинг яхшисига мени етказ, гуноҳларимни кечир, тоат аҳлингга берган нарсангни менга ҳам бер. Албатта, Сен ҳар нарсага қодир зотсан.)

Минодан Арофатга кетаётганда, ушбу дуо ўқилади:

«Аллоҳумма илайка таважжаҳту ва важҳакал карийма ародту фажъал занбий мағфурон ва ҳажжий мабрурон варҳамний ва ла тухаййибний иннака ъала кулли шай`ин қодийр». (Маъноси: Эй Аллоҳим, Сенга юзландим, мукаррам юзингни ирода қилдим. Гуноҳларимни мағфират, ҳажимни қабул қил. Менга раҳм айла, ноумид қилма, албатта, Сен ҳар нарсага қодир зотсан.)

Бу дуодан ташқари талбия, Қуръон тиловати ва бошқа дуо-зикрлар билан ҳам машғул бўлади. Шунингдек:

«Аллоҳумма атина фид дунйа ҳасанатан ва фил ахироти ҳасанатан ва қина ъазабан нар»ни айтади.