Аллоҳ таоло Тавба сурасининг 103-оятида: «(Эй Муҳаммад), сиз уларнинг молларидан бир қисмини ўзларини тозалаб поклайдиган садақа сифатида олинг ва уларнинг ҳақларига дуо қилинг», деб айтган.
472/1. Абдуллоҳ ибн Абу Авфодан (р.а.) ривоят қилинади. Расулуллоҳ соллаллоҳу алайҳи васаллам бирор қавм садақа олиб келадиган бўлса,
«Аллоҳумма солли алайҳим» (Эй Раббим, уларга раҳматингни юбор), деб айтардилар. Абу Авфо садақа билан келганларида ҳам:
«Аллоҳумма солли ъала али Аби Авфа» (Аллоҳим, Абу Авфо оиласига раҳматингни юбор), деб айтганлар. Имом Бухорий ва Имом Муслим ривоятлари
Имом Шофеъий закот олувчи закот берувчига агар хоҳласа: «Ажарокаллоҳу фийма аътойта ва жаъалаҳу лака тоҳурон ва барока лака фийма абқойта», деб айтсин, дейдилар. (Маъноси: Берганингизга Аллоҳ ажр ато этсин, уни сизга покловчи қилсин, қолганига Аллоҳ барака берсин.)
Фасл: Закот, садақа, назр, каффорат ёки шунга ўхшаш нарсаларни берувчи киши: «Роббана тақоббал минна иннака антас самийъул ъалийм», деб айтиш мустаҳабдир. (Маъноси: Эй Раббимиз, биздан қабул эт, албатта, Сен эшитгувчи ва билгувчи зотсан.)
|