467/1. Зайд ибн Холид Жуҳаний (р.а.) ривоят қиладилар: «Расулуллоҳ соллаллоҳу алайҳи васаллам Ҳудайбияда кечаси ёққан ёмғирдан намиққан ерда бизга бомдод намозини ўқиб бердилар. Намоз тугаганидан кейин одамларга юзланиб: «Парвардигорларингиз нима деб айтганини биласизларми?» дедилар. Саҳобалар: «Аллоҳ ва Унинг расули билгувчироқ», дейишди. Шунда Расулуллоҳ соллаллоҳу алайҳи васаллам: «Аллоҳ таоло бандаларим Менга мўмин ёки кофир бўлган ҳолда тонг оттирадилар. Ким, Аллоҳнинг фазли ва раҳмати сабабли ёмғир ёғдирилди, деса, ана шу киши Менга иймон ва сайёрага куфр келтирган бўлади. Аммо кимики сайёрадаги ундоқ ва бундоқ ўзгаришлар сабабли ёмғир ёғдирилди деса, ана шу киши Менга куфр ва сайёрага иймон келтирган бўлади деди», дедилар. Имом Бухорий ва Имом Муслим ривоятлари
|