Намозда такбири таҳримадан кейин «Аъузу биллаҳи минаш шайтонир рожийм»ни айтиш суннат амалдир. Қуръони каримнинг Наҳл сураси 98-оятида:
«Агар Қуръон ўқисанг, лаънати шайтондан Аллоҳнинг (номи) ила паноҳ тила», дейилган.
Бу оятдан ихтиёр қилинган нарса «Аъузу биллаҳи минаш шайтонир рожийм»ни айтишдир.
Баъзилар, бундан «Аъузу биллаҳис самийъул ъалийм минаш шайтонир рожийм»ни айтиш қасд қилинган, дейишган.
Лекин аввалги лафз билан айтиш машҳурдир.
103/1. Расулуллоҳ (с.а.в) намозда қироатдан олдин:
«Аъузу биллаҳи минаш шайтонир рожийм мин нафхиҳи ва нафсиҳи ва ҳамзиҳи» (Аллоҳнинг (номи) ила лаънати шайтоннинг пуфлашидан, сеҳридан, васвасасидан паноҳ тилайман), (бошқа бир ривоятда: «Аъузу биллаҳис самийъул ъалийм минаш шайтонир рожийм мин ҳамзиҳи ва нафхиҳи ва нафсиҳи», дердилар. Абу Довуд, Термизий, Насоий ва Ибн Можалар ривояти
|