152. Саҳл ибн Ҳанзаладан ривоят қилинади:
«У бефарзанд эди ва:
«Агар исломда турганимда бир болам чала туғилиб, яшамаса, бунга сабр қилишим дунёдаги ва унинг ичидаги ҳамма нарсадан менга маҳбуброқдир», дерди».
153. Абдуллоҳ ибн Аббос розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Қайси бирингизга меросхўрининг моли ўз молидан кўра маҳбуброқ?» дедилар.
«Эй Аллоҳнинг Расули! Биронтамизнинг ҳам меросхўримизнинг моли ўз молимиздан кўра маҳбуб эмас», дейишди.
Шунда Расулуллоҳ соллаллоҳу алайҳи васаллам:
«Шуни билиб қўйингларки, ичингизда ўз моли меросхўрининг молидан кўра маҳбуброқ одам йўқ. Сенинг молинг, тақдим қилганинг. Меросхўрингнинг моли ортда қолдирганинг», дедилар».
154. Расулуллоҳ соллаллоҳу алайҳи васаллам:
«Рақуб ҳақида нима деб ўйлайсизлар?» дедилар.
«Рақуб – фарзанд кўрмайдиган одам», дейишиди.
«Йўқ, рақуб – ўз болаларидан бирортасини тақдим қилмаган», дедилар».
155. Расулуллоҳ соллаллоҳу алайҳи васаллам:
«Сизлар паҳлавон деб кимни айтасизлар?» дедилар.
«Кимни курашда ҳеч ким йиқита олмаса, ўша одам паҳлавон бўлади-да», дейишиди.
«Йўқ, полвон ғазаби чиққанда сабр қиладиган одамдир», дедилар».
|