101. Оиша розияллоҳу анҳодан ривоят қилинади:
«Пайғамбар соллаллоҳу алайҳи васаллам:
«Менга Жаброил алайҳиссалом қўшнингга яхшилик қил, деб шунча кўп тавсия қилдики, уни меросхўрим қилиб қўйса керак, деб ўйладим», дедилар».
102. Абу Шурайҳ Ҳузоъий розияллоҳу анҳудан ривоят қилинади:
«Мен Пайғамбар соллаллоҳу алайҳи васалламнинг:
«Ким Аллоҳга ва охират кунига иймон келтирган бўлса, қўшнисига яхшилик қилсин.
Ким Аллоҳга ва охират кунига иймон келтирган бўлса, меҳмонга икром кўрсатсин.
Ким Аллоҳга ва охират кунига иймон келтирган бўлса, яхши гап айтсин ёки жим турсин», деганларни эшитдим».
|