95. Абу Саъийд розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Раҳм қилмаганга, раҳм қилинмайди», дедилар».

96. Жарир ибн Абдуллоҳ розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Аллоҳ одамларга раҳм қилмайдиган одамга раҳм қилмайди», дедилар».

97. Жарир ибн Абдуллоҳ розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Одамларга раҳм қилмайдиганга Аллоҳ раҳм қилмайди», дедилар».

98. Оиша розияллоҳу анҳодан ривоят қилинади:

«Бир неча аъробийлар Расулуллоҳ соллаллоҳу алайҳи васалламнинг ҳузурларига келдилар. Улардан бири:

«Эй Расулуллоҳ! Сизлар ёш болаларни ўпасизларми? Биз ўпмаймиз», деди.

Шунда Расулуллоҳ соллаллоҳу алайҳи васаллам:

«Аллоҳ азза ва жалла сенинг қалбингдан раҳматни суғуриб олган бўлса, мен нима қилай?» дедилар».

99. Умар розияллоҳу анҳудан ривоят қилинади:

«У киши бир одамни ишга олди. У:

«Менинг фалонча болам бор, биттасиниям ўпмаганман», деди.

Шунда Умар розияллоҳу анҳу:

«Аллоҳ азза ва жалла бандаларидан фақатгина бировга яхшилик қилган одамга раҳм қилади», деди».