1049. Ториқдан ривоят қилинади:

«Абдуллоҳнинг ҳузурида ўтирган эдик. Ходими келиб «Қод қоматис солату» деди. У турди. Биз ҳам у билан бирга турдик. Бас, масжидга кирдик. Одамларнинг масжиднинг аввалида рукуъда турганларини кўрди ва такбир айтиб рукуъ қилди. Биз ҳам бориб у нима қилса, шундай қилдик. Бир киши тезлаб юра туриб:

«Алайкумуссалам, йаа Аба Абдурроҳман», деди.

«Аллоҳ рост айтди, Расули етказди», деб қўйди.

Намоздан сўнг у қайтди ва аҳллари олдига кириб кетди. Биз жойимизга ўтириб унинг чиқишини кута бошладик.

Бир-биримизга:

«Ундан ким сўрайди?» дедик. Шунда Ториқ:

«Мен сўрайман», деди ва сўради. Бас, у:

«Расулуллоҳ соллаллоҳу алайҳи васаллам «Қиёматга яқин қолганда, одамларга хос салом берилади; тижорат кенг тарқалиб, ҳатто аёллар тижоратда эркакларга ёрдам беради; силаи раҳм – узилади; илм кўпаяди; ёлғон гувоҳлик бериш кўпаяди; ҳақ шаҳодат яширилади» деганлар», деди».

1050. Абдуллоҳ ибн Амр розияллоҳу анҳудан ривоят қилинади:

«Бир киши Расулуллоҳ соллаллоҳу алайҳи васалламдан:

«Исломнинг нимаси яхши?» деб сўради.

«Таом едирасан ва таниган-танимаганга салом берасан», дедилар».