|
954. Абу Зарр розияллоҳу анҳудан ривоят қилинади:
«Расулуллоҳ соллаллоҳу алайҳи васалламга таҳорат суви келтирдим. Шунда У зот бошларини қимирлатдилар ва икки лабларини тишладилар.
«Ота-онам сизга фидо бўлсин, сизга озор етказдимми?» дедим.
«Йўқ. Лекин, сен келажакда баъзи амир ёки имомларга дуч келасан. Улар намозни вақтидан кечга сурадилар», дедилар.
«Менга нимани амр қиласиз?» дедим.
«Намозни ўз вақтида ўқи. Кейин улар билан бирга бўлиб қолсанг, улар билан ҳам ўқийвер. Зинҳор «Ўқиганман, энди ўқимайман дема», дедилар».
|
