948. Жобир ибн Абдуллоҳ розияллоҳу анҳудан ривоят қилинади:

«Расулуллоҳ соллаллоҳу алайҳи васаллам бемор бўлиб қолдилар. Биз орқаларидан намоз ўқиганимизда у Зот соллаллоҳу алайҳи васаллам ўтириб ўқирдилар. Абу Бакр одамларга У зотнинг такбирларни етказиб турди.

У зот биз томон қараб, тик турганимизни кўрдилар ва ишора қилдилар.  Биз ўтирдик. Сўнг ўтирган ҳолимизда У зотга иқтидо қилишда давом этдик.

У зот саломдан сўнг «Сал бўлмаса форс ва румларнинг амалини қилиб қўяй дединглар. Улар подшоҳлари ўтирса ҳам тик турадилар. Бундай қилманглар. Имом нима қилса, шуни қилинглар. Агар у тик туриб намоз ўқиса, сизлар ҳам тик туриб ўқинглар. Агар у ўтириб ўқиса, сизлар ҳам ўтириб ўқинглар», дедилар».