907. Зайд ибн Холид ал-Жаҳаний розияллоҳу анҳудан ривоят қилинади:

«Расулуллоҳ соллаллоҳу алайҳи васаллам Ҳудайбияда бизга Бомдод намозини ўқиб бердилар. Шу кечаси ёмғир ёғиб ўтган эди. Набий соллаллоҳу алайҳи васаллам намозни ўқиб бўлганларидан сўнг одамларга бурилиб қарадилар ва:

«Роббингиз нима деганини билдингизми?» дедилар.

«Аллоҳ ва Унинг Расули билгувчироқдир», дейишди.

«Бандаларимдан менга иймон келтириб, тонг оттирганлари ҳам бор, куфр келтириб тонг оттирганлари ҳам бор. Аммо кимки «Бизга Аллоҳнинг фазли ва раҳмати ила ёмғир ёғди» деган бўлса, у менга иймон келтирган ва юлдузга куфр келтирган бўлади. Кимки «фалон юлдуз сабабидан бизга ёмғир ёғди» деган бўлса, менга куфр келтирган ва юлдузга иймон келтирган бўлади, деди», дедилар».