623. Абдуллоҳ ибн Амр розияллоҳу анҳудан ривоят қилинади:
«Набий соллаллоҳу алайҳи васаллам:
«Ижобат қилиниши энг тез бўлган дуо ғойибнинг ғойибга қилган дуосидир», дедилар».
624. ас-Сонобиҳийдан ривоят қилинади:
«У Абу Бакр розияллоҳу анҳунинг «Албатта, Аллоҳ йўлидаги биродарнинг дуоси мустажобдир» деганларини эшитган экан».
625. Сафвон ибн Абдуллоҳ ибн Савфондан риваоят қидинади: - У Абу Дардонинг қизига уйланган эди-.
«Шомга, уларнинг олдига бордим. Уйда Умму Дардони топдим. Абу Дардони топмадим.
«Бу йил ҳаж қилмоқчимисан?» деди.
«Ҳа», дедим.
«Бизга яхшилик сўраб дуо қил. Набий соллаллоҳу алайҳи васаллам «Мусулмон кишининг ўз биродарига ғойибдан қилган дуоси мустажобдир. Унинг бошида вакил қилинган фаришта туради. У ҳар қачон ўз биродарига яхшилик сўраб дуо қилса, омийн, сенга ҳам шундай бўлсин! дейди», деди.
Абу Дардони бозорда учратдим. У ҳам шунга ўхшаш гап айтди. Набий соллаллоҳу алайҳи васалламдан ривоят қилди».
626. Абдуллоҳ ибн Амр розияллоҳу анҳудан ривоят қилинади:
«Бир киши «Эй Аллоҳ! Мен билан Муҳаммад мағфират қилгин! Фақат бизни», деди.
Шунда набий соллаллоҳу алайҳи васаллам:
«Кўп одамни ундан тўсиб қўйдинг», дедилар».
627. Ибн Умар розияллоҳу анҳудан ривоят қилинади:
«Набий соллаллоҳу алайҳи васалламнинг мажлисда ўтириб «Эй Роббим! Мени мағфират қилгин. Тавбамни қабул қилгин. Менга раҳм қилгин. Албатта Сен тавбаларни қабул қилувчи ва раҳмли зотсан» деб юз марта истиғфор айтганларини эшитдим».
|