372. Қубайса ибн Жобир розияллоҳу анҳудан ривоят қилинади:
«Умар:
«Ким раҳм қилмаса, унга ҳам раҳм қилинмайди.
Ким бировни кечирмаса, уни ҳам кечирилмайди.
Ким бировни авф қилмаса, уни ҳам авф қилинмайди.
Ким бировни бирор нарсадан сақламаса, уни ҳам биров бирор нарсадан сақламайди», деди».
373. Муовия ибн Қуррадан, у отасидан ривоят қилинади:
«Бир киши:
«Эй Аллоҳнинг Расули! Мен қўй сўйсам, унга раҳм қиламан ёки сўяётган пайтида қўйга раҳм қиламан», деди.
«Сен қўйга раҳм қилган бўлсанг, Аллоҳ сенга раҳм қилади», деб икки марта айтдилар».
374. Абу Ҳурайра розияллоҳу анҳу айтади:
«Мен содиқул масдуқ, Абулқосим Расулуллоҳ соллаллоҳу алайҳи васалламнинг:
«Раҳмат фақат бадбахтдангина суғуриб олинади», деганларини эшитдим».
375. Жарир розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Инсонларга раҳм қилмаганга, Аллоҳ раҳм қилмайди», дедилар».
|