189. Маърур ибн Сувайд ривоят қилади:

«Абу Зарр Ғифорийни кўрсам, ўзи ҳам, қули ҳам бир хил либос кийиб олишибди.

Абу Заррдан бу ҳақда сўрадик. У айтди:

«Мен бир одам билан сўкишиб қолдим. У одам менинг устимдан Расулуллоҳ соллаллоҳу алайҳи васалламга шикоят қилди. Расулуллоҳ соллаллоҳу алайҳи васаллам менга:

«Сен уни онаси билан айбладингми?» дедилар.

«Ҳа», дедим. Шунда У зот:

«Албатта, ходимларингиз биродарларингиздир. Аллоҳ уларни Сизнинг қўл остингизга қўйибди. Қайси бир инсоннинг қўл остида биродари бўлса, унга ўзи еган нарсадан едирсин, ўзи кийган нарсадан кийдирсин. Уларга оғир келадиган ишни буюрманглар. Агар оғир ишга буюрсангиз, ўзингиз ёрдамлашинг», дедилар».