187. Убода ибн Валид ибн Убода ибн Собит розияллоҳу анҳудан ривоят қилинади:
«Отам билан ансорий саҳобалар яшайдиган жойга, улар ўлмасларидан олдин, илм олиш ниятида бордик.
Биринчи учратган кишимиз Абул Ясар бўлди. У Набий соллаллоҳу алайҳи васалламнинг саҳобалари бўлиб, ёнида ғуломи ҳам бор эди. Қарасак, Абул Ясарнинг эгнида бурда ва маъофирий, ғуломида ҳам бурда ва Маъофирий бор экан. Мен унга:
«Амаки, агар ғуломдаги бурдани олиб, унга Маъофирийингиз берсангиз ёки унинг Маъофирийини олиб бурдангизни унга берсангиз, сизда ҳам, унда ҳам бир бош сарпо бўларди», дедим.
Шунда у бошимни силаб туриб:
«Аллоҳим, буни баракалик қилгин! Эй биродаримнинг ўғли! Набий соллаллоҳу алайҳи васалламнинг: «Уларга ўзингиз еган таомдан едиринг, ўзингиз кийган нарсадан кийдиринг» деганларини мана шу икки кўзим кўрган, шу икки қулоғим эшитган, мана шу қалбим ўзига жо қилиб олган» дея қалб томирига ишора қилди. Бу дунёда унга кийим кийдиришим, таом едиришим мен учун унинг қиёматда савобимдан олишидан осонроқ», деди».
«Биринчи учратган кишимиз Абул Ясар бўлди. У Набий соллаллоҳу алайҳи васалламнинг саҳобалари бўлиб, ёнида ғуломи ҳам бор эди. Қарасак, Абул Ясарнинг эгнида бурда ва маъофирий, ғуломида ҳам бурда ва Маъофирий бор экан».
«Амаки, агар ғуломдаги бурдани олиб, унга Маъофирийингиз берсангиз ёки унинг Маъофирийини олиб бурдангизни унга берсангиз, сизда ҳам, унда ҳам бир бош сарпо бўларди», дедим».
«Аллоҳим, буни баракалик қилгин! Эй биродаримнинг ўғли! Набий соллаллоҳу алайҳи васалламнинг: «Уларга ўзингиз еган таомдан едиринг, ўзингиз кийган нарсадан кийдиринг» деганларини мана шу икки кўзим кўрган, шу икки қулоғим эшитган, мана шу қалбим ўзига жо қилиб олган» дея қалб томирига ишора қилди. Бу дунёда унга кийим кийдиришим, таом едиришим мен учун унинг қиёматда савобимдан олишидан осонроқ», деди».
188. Жобир ибн Абдуллоҳ розияллоҳу анҳудан ривоят қилинади:
«Набий соллаллоҳу алайҳи васаллам мамлуклар ҳақида яхши васиятлар қилар эдилар: «Ўзингиз еган нарсадан уларга ҳам егизинг, ўзингиз кийган нарсадан уларга ҳам кийгизинг, Аллоҳ Азза ва Жалла яратган одамзодни азобламанг», дер эдилар».
|