166. Нуҳак ибн Собра розияллоҳу анҳудан, у киши ўз отасидан ривоят қилинади:

«Расулуллоҳ соллаллоҳу алайҳи васалламнинг ҳузурларига бордим. Чўпон қўрага янги туғилган қўзичоқни киритди.

Набий соллаллоҳу алайҳи васаллам чўпонга:

«Юзта қўйимиз бор, уларни кўпайишини истамаймиз, деб ҳисобламагин. Чўпон қачон янги туғилган қўзичоқни олиб келса, ўрнига бир қўй сўйямиз», дедилар.

У зотнинг шу гаплари ичида:

«Ўз аёлингни чўрингни урганингдек урмагин, истиншоқ қилсанг, муболаға билан қилгин, фақат рўзадор бўлсанг, бундан мустасно», деганлари бор эди».