Суннати мутаҳҳара теварагидаги тушинмовчи- ликларни бартараф қилишда суннат ҳақидаги истилоҳларни тўғри англаш ва ўша истилоҳлар орасидаги дақиқ фарқларни керагича ажрата билиш ўта муҳим ўрин эгаллайди. Ҳа, азизлар, биз суннат, суннат деяверамизу аммо, суннат муҳаддислар истилоҳида алоҳида, усули фиқҳ уламолари истилоҳида алоҳида ва фиқҳий истилоҳда алоҳида маънолар касб этишини ўйлаб кўрганмизми, ўзи? Агар шу пайтгача бу илмий ҳақиқатни ўйлаб кўрмаган бўлсак, энди билиб олишимиз лозим. Суннат лафзи мазкур уч муҳим илм бўйича алоҳида-алоҳида уч айри маъно касб этади. Бу маъноларни дақиқ жойларигача тушиниб етган кишиларгина уларнинг ораларидаги фарқларни англаб етади ва бу масалада тўғри йўлни танлаб олиш имконига эга бўлади.
Келинг азизлар, биз ҳам мазкур нарсаларни тушинишга бир уриниб кўрайлик. Шояд, бирор натижага эришсак.
|