1217. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Бирингиз тўшагидан жой олса, изорининг ичини тутиб, у билан тўшагини қоқиб ташласин. «Бисмиллаҳ»ни айтсин, Чунки у орқасидан тўшагида нима қолганини билмайди.

Ётганда ўнг ёнбоши билан ётсин ва «Роббим! Сенинг исмингни поклаб ёд этаман. Сенинг исминг билан ёнбошимни ерга қўйдим, сенинг номинг билан уни ердан оламан. Агар жонимни олсанг, уни мағфират қилгин. Агар уни қўйиб юборсанг, солиҳ бандаларингни муҳофаза қилган нарсанг ила уни ҳам муҳофаза қилгин» десин», дедилар».