1131. Ибн Абу Зиноддан р-и:

«Отам менга қуйидагиларни хабар берди:

«У ушбу мактубни Хорижа ибн Зайд ва Оли Зайднинг катталаридан олган экан. «Бисмиллаҳир роҳманир роҳийм! Аллоҳнинг бандаси, мўминларнинг амири Муовияга Зайд ибн Собитдан. Эй мўминларнинг амири, сенга Аллоҳнинг саломи ва раҳмати бўлсин. Ўзидан бошқа илоҳу маъбуд бўлмаган Аллоҳга сен учун ҳамд айтаман. Аммо баъд; Албатта, сен мендан бобонинг ва ака-укаларнинг мероси ҳақида сўрабсан...» мактубни зикр қилди. Охирида «Аллоҳдан ҳидоят, ҳифзу ҳимоя, ҳамма ишларимизда собитқадамликни, залолатга кетишдан, жаҳолатдан, билмаган нарсага таклиф қилинишдан паноҳ сўраймиз. Сенга салом, мўминларнинг амири ва Аллоҳнинг раҳмати, барокати, мағфирати бўлсин».

Бу мактубни қирқ иккинчи йилда, Рамазондан ўн икки кун қолганда, пайшанба куни Вуҳайб ёзди».